دێ لڤێرە بم

دێ لڤێرە بم
دێ ل بەندا تە بم
دێ ل هیڤیا وێ بێ دەنگیێ بم نەمینیت
دێ ل هیڤیا جانێ تە بم بەرەڤ من بهێت
دێ  ل هیڤا دلێ تە بم بو من خوە ب هەلاڤێت
دێ ل هیڤا جەستێ تە بم بو من ب ئازریت
دێ ل هیڤا مێشکێ تە بم بتنێ هزرا من بکەت
دێ ل هیڤیا تە بم بهێی و من دباوەشا خوە وەربکەی
دێ ل هیڤیا تە بم من ب هەمبێزکێ سەرمەست و گێژ بکەی
دێ ل هیڤیا تە بم بهێی تاریاتیا ژیانا من گەش بکەی
دێ ل هیڤیا تە بم من ب بێهنا خوە سەرخوەش بکەی
دێ ل هیڤیا تە بم هەموو حەژێکرنا من بخوە ببەی
دێ ل بەندا تە بم .

چپ چپا بارانێ یە

چپ چپا بارانێ یە
چپ چپا میلێن دەمژمێرێ یە
چپ چپا دەنگێ دلێ منێ بەلنگازە
هەر سێ ل بەندا تەنە
هیڤی دکەم هەرچنە بت ئێك
ژ وانا بێ مراد و ئومێد نەکە...

وەرە وەرە هەڤالێ من

وەرە وەرە هەڤالێ من
ئەز دزانم چاڤێ تە ب خەما من نا رابن
وەرە تو ژی خەما خوە لسەر خەما من زێدە بکە
وەرە هەڤال وەرە ئەز دزانم تو ژی خوەدان چیڤانوکەکا بخەمی
تو ژی خوەدان هەست و دلەکێ پر سوزی
ژیانا تەژی ب خەما و کوڤان یێ دورپێچ بووی
ئەرێ هەڤال بێهنا خەما یا ژتە ژی دفریت
من ئاگەهـ ژێ هەیە مێشکێ من لەقاند
وەرە دزانم خەمێن تە ژی وەک یێن منن
ل شەڤێن تاری نینوکێن خوە دخون
وەرە ئەز دزانم خەمان یا خوە نیسەک کری بتەڤە
باروڤ و هروبایێن خەما بتنێ بسەر من و یێن وەک تە دهێن
قەیرانا من و تو ئێکە و خەم نەخوەشیین من و تە ئێکن.

نزانم کیمە

نزانم ئەز کیمە
ئەز یێ د شەرنیخەکا بهێز و گێژدا دژیم
هندەک جاران فریشتە مە و هندەک جاران شەیتانم
ئەرێ ما ئەز هەردووکم یان تشتەکێ هەڤپشکم ؟

نزانم کیمە
هندەک جاران دلێمن و مێشکێ من حەودا گولان
و رەزێ چەیمەنا و گول چیچەکانە

و هندەک جاران دی پری کرێتی و تاریاتی و ستری
درەندەی و دژواری نەزاینە ...

دێ وێ کەم یا من دڤێت

دێ رابم چم
دێ چمە وێ جیهانێ یا من دڤێت
و ل وێ جیهانێ دێ وێ کەم یا من دڤێت
دێ وەلاتەکێ وسا ئاڤا کەم یێ من دڤێت
جهێ هەژار و بەلنگازا لێ نەبیت
جهێ ئەڤیندارێن بریندا و بێ مراد لێ نەبیت
جهێ بێ هەست سوزا لێ نەبیت
ئەرێ دێ رابم چم و دێ وێ کەم یا من دڤێت
دێ وەلاتەکێ ئەفلاتونی دامەزرینم
دێ عەشقا مەم و زینا کەمە دەستور
دێ هوزانێن دەرویشی کەمە سرودێن نیشتمانی
دێ تێگەهێ هەوەلاتیبونا علی الوردی چەسپینم
دێ زەلامێن مینا مصطفی محمودی کەمە راویژکار
دێ وەزیر هەموو ئەڤیندارێن خودێ و بەندێن وی بن .
دێ ئاینێ وی بتنێ چاکی و باشی بیت