هەندەک جارا ڤیانەک مەزن بو من چێدبیت بکەمە گری وەکی زاروکەکێ ئێتیم کو ل نیڤا بازاری ژ دایکا خو بەرزە بووی .....وی دەمی ئەز هەست دکەم کو ئەم هەمی زاروکین ...و چ جێوازییێن مەزن دناڤبەرا مە و زاروکان دا نینە ژ لایێ زانست و زانین و رەوشتی ڤە .
ئەم هوسا هزردکەین کو ئەم یێت گەهشتینە ئەسمانا ب زانستێ خو ... بەلێ ب راستی ئەگەر ئەم هزرێت خو بکەین دێ بینین کە ئەم هێش یل پیتێت دەستپێکی. أ , ب , ج ...
ئەم ژی وەکی زاروکان یل ئێک ئاست ژلایێ ئالوزبوونێ و پرسیارکرنێ و نەزانینێ .
زاروکێ تە یێ تەماشەی هەیڤێ دکەت و پاش پرسیارێ ژ تە دکەت و دبێژیت :
"بابوو ئەڤ هەیڤە ژ کیڤە هاتیە !!!؟؟؟"
تو ژی دێ بەرسڤەکا دوور و درێژ بو بێژی .... و دێ هندەک بیردوزا "ثیوری" بو بێژی ... کو کورتیا بەرسفا تە ئەوە کو کەسەک چ راستیا ژێ نزانیت ..... و هەتا ئانیشتاین بخوە ژی چ نزانیت .
و پاش زاروکێ تە دێ پرسیارەکا دی ژی ژ تە کەت ...
"بابوو ،باپیرێ من کیڤە چوویە پشتی مرنا وی "؟؟ و دێ بەردەوامیێ دەتە پرسیارا خو و بێژیت " باب برایێ من ل کیڤە بوو بەری بوونێ ؟؟"
وەکی بوما دێ بێ دەنگ بی .. و تە هیچ بەرسڤەک بو نینە .
چونکی کەسەک نزانیت بەری بوونێ چ هەبوو یان ژی پشتی مرنێ دێ چ هەبیت ... نزا ئەم ژ کیڤە هاتینە ... و نزا دێ کیڤە چین ! .......
و پاش ئەڤ زاروکێ گەلەک پرسیارکەر دێ بێژیت :باب ئەڤە (( کارەب )) چیە ؟ و ژ کیڤە هاتیە؟
تو ژی ب هەمی شیانێت خو یێت تە هەین دێ بەرسڤێ دەی و دێ چیروکەکا تێر و تەسەل بو دارێژی دەربارەی ماکینێت روناهیێ و فانوسێت روناهیێ . ..... و تو بخوە نزانی کا روناهی چیە ،،،، و خو ئەگەر تو پرسیارێ ژ هەمی زانا و ئاقلدارێت سروشتی بکەی ، تو نابینی ئێک بو تە ب دروستی روناهیێ دیاربکەت کا چیە ... و خو هەتا نیوتن و ئافگادوو فاراداي مايكل ژی نزانن.
یا الله ئەم چەند نزانین !!! ئاخ بو نەزانینا مە یا بەردەوام !!
مە زانستێ دەروونی (علم نفس) یێ داهێنای و مە گەلەک یا لسەر نڤیسای، و ئەم بخوە نزانین کا دەروون چیە !!
مە دەمژمێر دەربازکرن دا وەختی پیڤەر بکەین و ئەم نزانین وەخت بخوە چیە !! .
و ئەڤە بو ماوێ ملیونەها سالا ئەم لسەر رویێ ئەردی دژین ، و هێش تشتەکی ئەم ژێ نزانین ژ بلی تیڤکلێ وێ.
کوم ڤە دبین لسەر ئێک رویدان ، هەر ئێک ژ مە ب رەنگەکی ڤێ رویدانێ ڤەدگوهێزیت و ب رەنگەکی وێنە دکەت .ئەگەر ئەڤە رویدانەک بیت کو چەند دەمژمێرەک بسەر ڤە نە چوو بن. پا تو چ دبێژی بو وێ مێژویا ب هزاران سال سەر ڤە چوین و ب سەدەهان بەرگ لسەر هاتینە نڤێسین.
ئاهـ ئەم چەند دیرین ژ راستیێ .
و ئەم چەند کێم زانینین .
پا جێوازیەکا نێزیک یا دناڤبەرا مە و زاروکان دا هەی د زانین و زانستێ مە ..... پا جێوازیەکا نێزیک یا دناڤبەرا مە و زاروکان دا هەی ژ لایێ رەوشتی ڤە .... ئەم چاڤدێرین و پەروەردگارین .... و هەر ئێک ژ مە مال و ملکێ خو دەتە بەر سینگێ خو هەر وەکی زاروکەک یاریکا خو ددەت بەر سینگێ خو و ناهێلیت کەس دەست بکەتێ .
ئەم د بخیلن و بەدکارین و زورخورین و قەلسین و دەستگرتینە .......
زاروک درەڤینت ( يخطف) ...... مەزن دزیت .
زاروک دانیت ........ مەزن دکوژیت .
زاروک دەستی بکار دئینیت بو ئێشانێ ..... مەزن دار و کێرا بکار دئینیت.
زاروک بەرا دانیت .... مەزن بومبەکا زەری (ذریە) دانیت .
ئەرێ مە نوکە ئەز نەیێ هەقم بکەمە گری بو ڤێ دونیایێ ئەڤا زاروک هوسا هزردکەن کو یێت مەزن بووین ؟؟
ليست هناك تعليقات:
إرسال تعليق