چاوا ئەز شێت بووم ؟!
تو پسیار دکەی چەوا شێت بوویمە، ئەها بڤی رەنگی یا چێبووی، گەلەک ژ مێژە، بەری چەندین خوداوەند ژ دایک ببن، ئەز ژ خەوەکا کور هشیار بووم و من دیت هەموو ماسکێن من یێن هاتینە دزین، هەر ئەو حەفت ماسکێن من چێکرین و من د حەفت ژیانا دا دکرنە بەرخوە. ئەز بێ ماسک لسەر جادێن پری خەلک برێڤە چووم و من کرە قێری "دزیکەر دزیکەر، دزیکەرێن قەدا ڤێکەڤتین" زەلام و ژنکا ب من کرە کەنی و هندەک ژ وانا ژ ترساندا ژمن رەڤینە مالێن خوە. دەما گەهشتیمە ناڤ بازاری گەنجەکی لسەر بانێ مالەکێ کرە گازی و گوت "ئەو زەلامەکێ شێتە" من سەرێ خوە بلندکر داکو بەرێخوە بدەمێ، هەتاڤێ بو جارا ئێکێ دێمێ من یێ روت ماچیکر، بو ئێکەم جار هەتاڤێ دێمێ من یێ روت ماچیکر و دلێ من تژی ئەڤینا هەتاڤێ بوو و پێدڤیا من ب ماسکێن من نەما. من کرە قێژی و گوت "پیروز بن پیروز بن ئەو دزیکەرێن ماسکێن من دزین" و وەسا ئەز شێت بووم. د شێتاتیا خوەدا من ئازادی و رزگاربوون دیت. ئازادیا بتنێبوونێ و رزگاربوون ژ تێگەهشتنێ ژبەرکو یێن دمە دگەهن تشتەکی دمەدا زیندان دکەن. ئەز گەلەک نە یێ شانازم ب رزگاربوونا خوە، چونکی دزیکەر خو د ناڤا زیندانێ ژی دا یێ پاراستیە ژ هەڤالێن خوە یێن دزیکەر.
نڤیسین : جوبران خەلیل جوبران
ليست هناك تعليقات:
إرسال تعليق